უფასო მრავალპროფილური, პედიატრიული გამოკვლევები გ.ჟვანიას პედიატრიის აკადემიურ კლინიკაში
11 მაისს, გივი ჟვანიას სახელობის პედიატრიის აკადემიურმა კლინიკამ უფასო მრავალპროფილური, პედიატრიული გამოკვლევების ჩატარების მიზნით, ომისა და თავდაცვის ძალების ვეტერანების შვილებსა და შვილიშვილებს უმასპინძლა. უფასო გასინჯვები ვეტერანების საქმეთა სახელმწიფო სამსახურისა და ა(ა)იპ "ქართული ოცნება-ჯანმრთელი მომავლის’’ ინიციატივით დაიგეგმა.
სამედიცინო აქციაში მონაწილეობა მიიღეს, როგორც თბილისში რეგისტრირებულმა, ასევე, წალკიდან და მცხეთა-მთიანეთის რეგიონიდან სპეციალურად ამ კვლევებისთვის ჩამოყვანილმა 16 წლამდე ბავშვებმა. სამედიცინო მომსახურება გაეწია 80-ზე მეტ პაციენტს. კლინიკა მომავალშიც აქტიურად გეგმავს აქციებში ჩართვას.
"გივი ჟვანიას სახელობის პედიატრიის აკადემიური კლინიკისთვის საქველმოქმედო აქციებს უკვე ტრადიციული სახე მიეცა და მომავალშიც ვგეგმავთ გავაგრძელოთ მსგავსი სახის აქტივობები. განსაკუთრებით გვსურს ვეწვიოთ საქართველოს სხვადასხვა მაღალმთიან რაიონებს, რათა ადგილზე გავუწიოთ სამედიცინო მომსახურება ბავშვებს. მომდევნო გასვილითი საქველმოქმედო აქცია უკვე დაგეგმილია." - განაცხადა კლინიკის გენერალუმა დირექტორმა, ასოცირებულმა პროფესორმა ლია ძიძიგურმა.