თსსუ-ის გ. ჟვანიას სახელობის პედიატრიის აკადემიური კლინიკა უცხოელ სპეციალისტებს მასპინძლობს

თსსუ-ის გ. ჟვანიას სახელობის პედიატრიის აკადემიური კლინიკა უცხოელ სპეციალისტებს მასპინძლობს
 
თბილისის სახელმწიფო სამედიცინო უნივერსიტეტის  გ.ჟვანიას სახელობის პედიატრიის აკადემიური კლინიკა  ისრაელის წამყვანი საუნივერსიტეტო კლინიკების სპეციალისტებს:  ასუტას სამედიცინო ცენტრის ბავშვთა ქირურგიის დეპარტამენტის ხელმძღვანელს, პროფესორ იცხაკ ვინოგრადს,  ჰაიფას სამედიცინო ცენტრის ბავშვთა ქირურგიის და ტრანპლანტაციის დეპარტამენტის ხელმძღვანელს, პროფესორ რან შტეინბერგს, მინინვაზიური ქირურგიული დეპარტამენტის ხელმძღვანელს, პროფესორ არკადი ვაჩნიანს  და ა.შ.შ. ჩიკაგოს საუნივერსიტეტო კლინიკის ბავშვთა ქირურგიის დეპარტამენტის ასისტენტ პროფესორს, სარეზიდენტო პროგრამის ხელმძღვანელს დებორა ლოეფს მასპინძლობს.
 
ვიზიტის ფარგლებში, სპეციალისტები კლინიკაში 8 ურთულეს, ქირურგიული პათოლოგიების ოპერაციულ მკურნალობას ახორციელებენ, რომელიც 2018 წელს დაიგეგმა და რომელშიც აქტიურად არის ჩართული ბავშვთა ქირურგიის დეპარტამენტის ასოცირებული პროფესორი ავთანდილ კუტუბიძე.  ოპერაციას ასევე,  ესწრებიან კლინიკის ქირურგები, რეზიდენტები , რომელებიც აქტიურად იღებენ  მონაწილეობას წინასაოპერაციო პროცესსა და პოსტოპერაციულ მეთვალყურეობაში.
 
"ჩვენ უკვე 2001 წლიდან ვმასპინძლობთ სპეციალისტებს ისრაელიდან. წლევანდელი ვიზიტის ფარგლებში განხორციელებული და განსახორციელებელი ოპერაციები 2018 წლის ოქტომბერში დაიგეგმა, მსგავსი ოპერაციები,  ლაპაროსკოპიული მეთოდით,  საქართველოში ჩატარებულია მხოლოდ ჩვენს კლინიკაში, უცხოელი კოლეგების დახმარებით და ეს, კიდევ ერთხელ მოწმობს იმას, რომ ჩვენ ვართ ინოვაციების იმპლემენტაციის ინიციატორები, რისთვისაც განსაკუთრებული მადლობა გვინდა გადავუხადოთ თბილისის სახელმწიფო სამედიცინო უნივერსიტეტს.  ეს თანამშრომლობა იქნება უდიდესი გამოცდილება ქართველი ქირურგებისთვის და ხელს შეუწყობს თსსუ-ის ბაზაზე ლაპაროსკოპიული ქირურგიის შემდგომ განვითარებას. " - აღნიშნა თსსუ-ის ბავშვთა ქირურგიის დეპარტამენტის ხელმძღვანელმა, პროფესორმა მერაბ ბუაძემ.
 
ვიზიტის ფარგლებში, ოპერაციების პარალელურად  თსსუ-ის სტუდენტებისთვის, რეზიდენტებისა და კლინიკის ექიმებისთვის  სპეციალისტები საჯარო ლექციებს კითხულობენ.  დღეს 1 მაისს, პროფესორმა დებორა ლოეფმა წაიკითხა ლექცია სახელწოდებით - პედიატრიული ქირურგია - თანამედროვე გამოწვევები. მან სხვადასხვა ოპერაციის განხილვის მაგალითზე, აუდიტორიას გაუზიარა ჩიკაგოში არსებული გამოცდილება ამ მიმართულებით.
 
ვიზიტის ფარგლებში დაგეგმილია სხვა საჯარო ლექციებიც, მათ შორის პროფესორი არკადი ვაჩნიანი წაიკითხავს ლექციას ლაპარასკოპიის მიღწევების შესახებ, ბავშვთა ქირურგიაში. 
 





http:new.tsmu.edu

მსგავსი სიახლეები

რა არის დიარეა და როგორ ვუმკურნალოთ მას
ზაფხულის სეზონის მოახლოებასთან ერთად აქტუალურია დიარეის მართვა და მისი დროული დიაგნოსტიკა.

რა არის დიარეა?
დიარეა-გახშირებული ნაწლავთა მოქმედებაა (3-ჯერ და მეტად 24 საათის განმავლობაში) სითხის შემცველი განავლოვანი მასებით.

რა არის დიარეის მიზეზები?
დიარეის მრავალი მიზეზი არსებობს, თუმცა ნაწლავური ინფექცია (გასტორენტერიტი) უხშირესია. ინფექციური გასტორენტერიტი შეიძლება გამოწვეულ იყოს ვირუსებით, ბაქტერიებითა და პარაზიტებით.

რა უნდა გავაკეთოთ დიარეის დროს?
დიარეის მკურნალობის ძირითადი პრინციპია ორგანიზმის სითხისა და ელექტროლიტური დანაკარგების შევსება. დიარეის უხშირეს გართულებას დეჰიდრატაცია წარმოადგენს.

რა არის დეჰიდრატაცია?
ეს არის ორგანიზმის გაუწყლოება, როცა სხეულის მიერ დაკარგული სითხის მოცულობა გაცილებით აღემატება მიღებული სითხის რაოდენობას. დეჰიდრატაცია შეიძლება ყველა ასაკში განვითარდეს. განსაკუთრებული რისკის ქვეშ არიან ჩვილები და ადრეული ასაკის ბავშვები, რადგან სხეულის მცირე მასის გამო ძალიან სენსიტიურები არიან სითხის მცირე დანაკარგის მიმართაც კი. გაუწყლოების რისკი მატულობს, თუ დიარეას თან ერთვის ღებინება, სხეულის ან გარემოს მაღალი ტემპერატურა.

როგორია დეჰიდრატაციის ნიშნები?
ბავშვებში დეჰიდრატაციის ნიშნებია:
1. გაღიზიანებადობა ან ძილიანობა
2. გაიშვიათებული შარდვა
3. გრილი კიდურები
4. ცრემლის შემცირება ან უცრემლო ტირილი
5. ყიფლიბანდის ჩავარდნა

როგორ მკურნალობენ დიარეას?
დიარეის მკურნალობა მოიცავს სითხისა და ელექტროლიტების დანაკარგის შევსებას, ადექვატური კვების უზრუნველყოფას და დიარეასთან ასოცირებული კომორბიდული მდგომარეობების მართვას.
 
მწვავე დიარეის შემთხვევაში გამოიყენება რეჰიდრატაციული ხსნარები. თუ ბავშვს შეუძლია სითხის დალევა, ინტრავენური რეჰიდრატაცია არ არის საჭირო. ორალური რეჰიდრატაციული ხსნარები წყლის, ელექტროლიტებისა და გლუკოზის ნარევია.

კვებითი რეკომენდაციები: რეჰიდრატაციული თერაპიის დროს ექსკლუზიურად ძუძუთი კვება შეუფერხებლად უგრძელდება, ყველა სხვა შემთხვევაში რეჰიდრატაციული თერაპიის დაწყებიდან არა უგვიანეს 4-6 საათის შემდეგ უნდა გაგრძელდეს კვება.

პრობიოტუიკული საშუალებები („მეგობარი“ ბაქტერიები) ამცირებს დიარეის ხანგრძლივობას. პრობიოტიკებით მკურნალობის დაწყება რეკომენდირებულია რაც შეიძლება ადრე. ფერმენტული პრეპარატები რუტინულად არ გამოიყენება. ასევე, არ გამოიყენება ანტიდიარეული პრეპარატები ბავშვთა ასაკში. თუთიის პრეპარატები მხოლოდ განვითარებადი ქვეყნებისთვის არის მოწოდებული, სადაც ხშირია ბავშვთა არასრულფასოვანი კვების (მალნუტრიციის) შემთხვევები. ანტიბიოტიკები რუტინულად არ გამოიყენება.

ინვაზიური (განავლოვან მასებში სისხლის არსებობა) დიარეის მკურნალობა მოიცავს ყველა ზემოთ ჩამოთვლილ სამკურნალო ღონისძიებას და დამატებით ემპირიულ ანტიბიოპტიკოთერაპიას სავარაუდო შიგელოზის სამკურნალოდ.

როგორია დიარეის პრევენცია?
1. ექსკლუზიურად ბუნებრივი კვება 6 თვის ასაკამდე
2. ხელების ხშირი დაბანა თბილი წყლით და საპნით (განსაკუთრებით საპირფარეშოდან გამოსვლის შემდეგ)
3. ვაქცინაცია - მსოფლიო ჯანდაცვის ორგანიზაციის (ჯანმო-ს) რეკომენდაციით როტავირუსის ვაქცინაცია შეყვანილია ეროვნული იმუნიზაციის პროგრამაში

როდის მივმართოთ ექიმს?
1. 3 თვემდე ასაკი
2. დიარეის 6 და მეტი ეპიზოდი 24 საათის განმავლობაში
3. დიარეა და ღებინება ერთდროულად
4. განავლოვანი მასები არ არის და მხოლოდ სითხეა
5. განავლოვან მასებში სისხლია
6. მუცლის მწვავე ან შეუპოვარი ტკივილი
7. დეჰიდრატაციის ნიშნები

თუ თქვენს პატარას ზემოთ ჩამოთვლილთაგან ერთ-ერთი მაინც აღენიშნება, დაუყოვნებლივ მიმართეთ ექიმს.
რა ასაკიდან წავიყვანოთ ბავშვი ზღვაზე და როგორ შევუდგინოთ კვების რაციონი – რეკომენდაციები ეკა უბერისგან
რა ასაკიდან წავიყვანოთ ბავშვი ზღვაზე და როგორ შევუდგინოთ კვების რაციონი – რეკომენდაციები ეკა უბერისგან
დიარეა ბავშვთა ასაკში - რა უნდა იცოდნენ მშობლებმა?
დიარეა ბავშვთა ასაკში - რა უნდა იცოდნენ მშობლებმა?
გივი ჟვანიას სახელობის პედიატრიის აკადემიური კლინიკა წმინდა გიორგის სახელობის საერთაშორისო სკოლას ესტუმრა
გივი ჟვანიას სახელობის პედიატრიის აკადემიური კლინიკა წმინდა გიორგის სახელობის საერთაშორისო სკოლას ესტუმრა
პროფესორის კოლინ კენედის წიგნის - „ ჩვილობის ასაკის ბავშვთა ნევროლოგიის საფუძვლების“ პრეზენტაცია
პროფესორის კოლინ კენედის წიგნის - „ ჩვილობის ასაკის ბავშვთა ნევროლოგიის საფუძვლების“ პრეზენტაცია
საქველმოქმედო პროფილაქტიკური გასინჯვები ყაზბეგის რაიონში
საქველმოქმედო პროფილაქტიკური გასინჯვები ყაზბეგის რაიონში
მშობლებო უთხარით თქვენს შვილებს გამორთონ კომპიუტერები, სმარტფონები, ტაბლეტები და გავიდნენ გარეთ.
მშობლებო უთხარით თქვენს შვილებს გამორთონ კომპიუტერები, სმარტფონები, ტაბლეტები და გავიდნენ გარეთ.
უფასო მრავალპროფილური, პედიატრიული გამოკვლევები გ.ჟვანიას პედიატრიის აკადემიურ კლინიკაში
უფასო მრავალპროფილური, პედიატრიული გამოკვლევები გ.ჟვანიას პედიატრიის აკადემიურ კლინიკაში
თბილისის სახელმწიფო სამედიცინო უნივერსიტეტი