თბილისის სახელმწიფო სამედიცინო უნივერსიტეტს, ოთხდღიანი ვიზიტით, დოქტორი ოლე მარტინ რორდამი სტუმრობს

დოქტორი ოლე მარტინ რორდამის ვიზიტი თსსუ გ. ჟვანიას სახელობის პედიატრიის აკადემიურ კლინიკაში
 
თბილისის სახელმწიფო სამედიცინო უნივერსიტეტს, ოთხდღიანი ვიზიტით, ნორვეგიელი ექიმი-დერმატოლოგი, ოლე მარტინ რორდამი სტუმრობს. ვიზიტის ფარგლებში, ის თსსუ-ის გივი ჟვანიას სახელობის პედიატრიის აკადემიურ კლინიკაში, კლინიკის პაციენტებისა და პირველი საუნივერსიტეტო კლინიკის პაციენტებისათვის ატარებს მკურნალობებს სხვადასხვა სახის დაავადებაზე.   პროფესორ ზურაბ ვადაჭკორიასთან ერთად, დოქტორი რორდამი ახორციელებს კონსულტაციებსა და ოპერაციებს სხვადასხვა ტიპის ჰემანგიომაზე. დერმატოლოგიური დაავადებების მიმართულებით, ისეთ დიაგნოზებზე, როგორიც არის:  აკნე, როზაცია, ცხიმიანი სებორია, კაპილარების მკურნალობა, ჰიპერპიგმენტაციის მკურნალობა (მზისმიერი ლაქები, მზისმიერი ლენტიგო, მელაზმა) კონსულტაციები და მკურნალობა ხორციელდება, კანისა და ვენერიულ სნეულებათა დეპარტამენტის ასოცირებულ პროფესორთან, მაია მათოშვილთან ერთად, რომელიც თსსუ-ის საუნივერსიტეტო კლინიკებში მოღვაწეობს. 
 
დოქტორ ოლე მარტინ რორდამი თბილისის სახელმწიფო სამედიცინო უნივერსიტეტთან, უკვე ერთი წელია, რაც თანამშრომლობს. მან უნივერსიტეტს  პულს-ტექნოლოგიის აპარატის „SOLARI Square Pulse Technology“ გადასცა, რომელიც თსსუ-ის გივი ჟვანიას სახელობის პედიატრიის აკადემიურ კლინიკაში დაიდგა და ძალიან მნიშვნელოვან როლს თამაშობს, ბავშვებში სისხლძარღვოვანი სიმსივნეების მკურნალობისთვის. როგორც ნორვეგიელმა სტუმარმა აღნიშნა, მას  ევროპის რამდენიმე უნივერსიტეტთან აქვს ურთიერთობა, მსგავსი აპარატი არაერთ კლინიკაში ფუნქციობს და მისი მეშვეობით ჩატარებული მკურნალობა შედეგიანი და მოთხოვნადია. აპარატი გამოიყენება, როგორც ჩვილ ბავშვთა დერმატოლოგიური პრობლემების სამკურნალოდ, ისე პოსტოპერაციულად, კოსმეტიკური თვალსაზრისით. როგორც, თსსუ-ის პროფესორები განმარტავენ, საუნივერსიტეტო კლინიკებს  აპარატის საშუალებით მიეცათ შესაძლებლობა,  სამომავლოდ ბევრი ისეთი ფორმის ჰემანგიომის მკურნალობა განახორციელონ  საქართველოში, რომლის მკურნალობაც აქამდე არ ხდებოდა.
 
ვიზიტის ფარგლებში, 19 მარტს დოქტორ რორდამმა დერმატოლოგიის აქტუალურ საკითხებთან დაკავშირებით, თბილისის სახელმწიფო სამედიცინო უნივერსიტეტის სტუდენტების, რეზიდენტებისა და თანამშრომლებისთვის ლექციაც წაიკითხა. მან აუდიტორიას გააცნო ლაზერული აპარატის ტიპები, ისაუბრა მათ ეფექტურობაზე, განიხილა აპარატებით განხორციელებული პროცედურები და შედეგები. შეხვედრა ინტერაქციულ რეჟიმში წარიმართა, აუდიტორიამ მიიღო ამომწურავი პასუხები, მათთვის საინტერესო კითხვებზე. 
 
ლექციის დასასრულს, თბილისის სახელმწიფო სამედიცინო უნივერსიტეტის რექტორმა, პროფესორმა ზურაბ ვადაჭკორიამ,  ბატონ ოლე მარტინ რორდამს, დოკუმენტაცია გადასცა, რომლის მიხედვითაც თსსუ-ის აკადემიური საბჭოს გადაწყვეტილებით, უნივერსიტეტისთვის გაწეული ღვაწლისთვის, ბატონ რორდამს  თსსუ-ის საპატიო დოქტორის წოდება მიენიჭა.



მსგავსი სიახლეები

მიხაელ იაკობუს ჰელმუტ ლენტცე
თსსუ გივი ჟვანიას სახელობის პედიატრიის აკადემიურ კლინიკას საექიმო სამუშაო ვიზიტით ამჯერადაც ეწვია ბონის საუნივერსიტეტო პედიატრიული კლინიკის ყოფილი დირექტორი, ექიმი-პედიატრი, ბავშვთა გასტროენტეროლოგი, ჰემატოლოგი და ნუტრიციოლოგი, ბონის უნივერსიტეტის პროფესორი მიხაელ იაკობუს ჰელმუტ ლენტცე.
რა არის დიარეა და როგორ ვუმკურნალოთ მას
ზაფხულის სეზონის მოახლოებასთან ერთად აქტუალურია დიარეის მართვა და მისი დროული დიაგნოსტიკა.

რა არის დიარეა?
დიარეა-გახშირებული ნაწლავთა მოქმედებაა (3-ჯერ და მეტად 24 საათის განმავლობაში) სითხის შემცველი განავლოვანი მასებით.

რა არის დიარეის მიზეზები?
დიარეის მრავალი მიზეზი არსებობს, თუმცა ნაწლავური ინფექცია (გასტორენტერიტი) უხშირესია. ინფექციური გასტორენტერიტი შეიძლება გამოწვეულ იყოს ვირუსებით, ბაქტერიებითა და პარაზიტებით.

რა უნდა გავაკეთოთ დიარეის დროს?
დიარეის მკურნალობის ძირითადი პრინციპია ორგანიზმის სითხისა და ელექტროლიტური დანაკარგების შევსება. დიარეის უხშირეს გართულებას დეჰიდრატაცია წარმოადგენს.

რა არის დეჰიდრატაცია?
ეს არის ორგანიზმის გაუწყლოება, როცა სხეულის მიერ დაკარგული სითხის მოცულობა გაცილებით აღემატება მიღებული სითხის რაოდენობას. დეჰიდრატაცია შეიძლება ყველა ასაკში განვითარდეს. განსაკუთრებული რისკის ქვეშ არიან ჩვილები და ადრეული ასაკის ბავშვები, რადგან სხეულის მცირე მასის გამო ძალიან სენსიტიურები არიან სითხის მცირე დანაკარგის მიმართაც კი. გაუწყლოების რისკი მატულობს, თუ დიარეას თან ერთვის ღებინება, სხეულის ან გარემოს მაღალი ტემპერატურა.

როგორია დეჰიდრატაციის ნიშნები?
ბავშვებში დეჰიდრატაციის ნიშნებია:
1. გაღიზიანებადობა ან ძილიანობა
2. გაიშვიათებული შარდვა
3. გრილი კიდურები
4. ცრემლის შემცირება ან უცრემლო ტირილი
5. ყიფლიბანდის ჩავარდნა

როგორ მკურნალობენ დიარეას?
დიარეის მკურნალობა მოიცავს სითხისა და ელექტროლიტების დანაკარგის შევსებას, ადექვატური კვების უზრუნველყოფას და დიარეასთან ასოცირებული კომორბიდული მდგომარეობების მართვას.
 
მწვავე დიარეის შემთხვევაში გამოიყენება რეჰიდრატაციული ხსნარები. თუ ბავშვს შეუძლია სითხის დალევა, ინტრავენური რეჰიდრატაცია არ არის საჭირო. ორალური რეჰიდრატაციული ხსნარები წყლის, ელექტროლიტებისა და გლუკოზის ნარევია.

კვებითი რეკომენდაციები: რეჰიდრატაციული თერაპიის დროს ექსკლუზიურად ძუძუთი კვება შეუფერხებლად უგრძელდება, ყველა სხვა შემთხვევაში რეჰიდრატაციული თერაპიის დაწყებიდან არა უგვიანეს 4-6 საათის შემდეგ უნდა გაგრძელდეს კვება.

პრობიოტუიკული საშუალებები („მეგობარი“ ბაქტერიები) ამცირებს დიარეის ხანგრძლივობას. პრობიოტიკებით მკურნალობის დაწყება რეკომენდირებულია რაც შეიძლება ადრე. ფერმენტული პრეპარატები რუტინულად არ გამოიყენება. ასევე, არ გამოიყენება ანტიდიარეული პრეპარატები ბავშვთა ასაკში. თუთიის პრეპარატები მხოლოდ განვითარებადი ქვეყნებისთვის არის მოწოდებული, სადაც ხშირია ბავშვთა არასრულფასოვანი კვების (მალნუტრიციის) შემთხვევები. ანტიბიოტიკები რუტინულად არ გამოიყენება.

ინვაზიური (განავლოვან მასებში სისხლის არსებობა) დიარეის მკურნალობა მოიცავს ყველა ზემოთ ჩამოთვლილ სამკურნალო ღონისძიებას და დამატებით ემპირიულ ანტიბიოპტიკოთერაპიას სავარაუდო შიგელოზის სამკურნალოდ.

როგორია დიარეის პრევენცია?
1. ექსკლუზიურად ბუნებრივი კვება 6 თვის ასაკამდე
2. ხელების ხშირი დაბანა თბილი წყლით და საპნით (განსაკუთრებით საპირფარეშოდან გამოსვლის შემდეგ)
3. ვაქცინაცია - მსოფლიო ჯანდაცვის ორგანიზაციის (ჯანმო-ს) რეკომენდაციით როტავირუსის ვაქცინაცია შეყვანილია ეროვნული იმუნიზაციის პროგრამაში

როდის მივმართოთ ექიმს?
1. 3 თვემდე ასაკი
2. დიარეის 6 და მეტი ეპიზოდი 24 საათის განმავლობაში
3. დიარეა და ღებინება ერთდროულად
4. განავლოვანი მასები არ არის და მხოლოდ სითხეა
5. განავლოვან მასებში სისხლია
6. მუცლის მწვავე ან შეუპოვარი ტკივილი
7. დეჰიდრატაციის ნიშნები

თუ თქვენს პატარას ზემოთ ჩამოთვლილთაგან ერთ-ერთი მაინც აღენიშნება, დაუყოვნებლივ მიმართეთ ექიმს.
რა ასაკიდან წავიყვანოთ ბავშვი ზღვაზე და როგორ შევუდგინოთ კვების რაციონი – რეკომენდაციები ეკა უბერისგან
რა ასაკიდან წავიყვანოთ ბავშვი ზღვაზე და როგორ შევუდგინოთ კვების რაციონი – რეკომენდაციები ეკა უბერისგან
დიარეა ბავშვთა ასაკში - რა უნდა იცოდნენ მშობლებმა?
დიარეა ბავშვთა ასაკში - რა უნდა იცოდნენ მშობლებმა?
გივი ჟვანიას სახელობის პედიატრიის აკადემიური კლინიკა წმინდა გიორგის სახელობის საერთაშორისო სკოლას ესტუმრა
გივი ჟვანიას სახელობის პედიატრიის აკადემიური კლინიკა წმინდა გიორგის სახელობის საერთაშორისო სკოლას ესტუმრა
პროფესორის კოლინ კენედის წიგნის - „ ჩვილობის ასაკის ბავშვთა ნევროლოგიის საფუძვლების“ პრეზენტაცია
პროფესორის კოლინ კენედის წიგნის - „ ჩვილობის ასაკის ბავშვთა ნევროლოგიის საფუძვლების“ პრეზენტაცია
თერაპიული სტომატოლოგია
თერაპიული სტომატოლოგია
მშობლებო უთხარით თქვენს შვილებს გამორთონ კომპიუტერები, სმარტფონები, ტაბლეტები და გავიდნენ გარეთ.
მშობლებო უთხარით თქვენს შვილებს გამორთონ კომპიუტერები, სმარტფონები, ტაბლეტები და გავიდნენ გარეთ.
თბილისის სახელმწიფო სამედიცინო უნივერსიტეტი