მესიჯი მშობლებს ‘’ბავშვთა ორთოპედია და ტრავმატოლოგია’’

მესიჯი მშობლებს ‘’ბავშვთა ორთოპედია და ტრავმატოლოგია’’

 

მშობლების მხრიდან ხშირად ისმის კითხვა იმის თაობაზე, თუ რა შემთხვევაში ან რა დროს უნდა მიმართონ ბავშვთა ორთოპედ-ტრავმატოლოგს?? თსსუ გ. ჟვანიას სახელობის პედიატრიის აკადემიური კლინიკის ორთოპედ–ტრავმატოლოგის რომეო ვარდიაშვილის რჩევები მშობლებს აღნიშნულ საკითხთან დაკავშირებით:

 

– მინდა განვმარტო და მივაწოდო მშობლებს ზოგადი ინფორმაციები ბავშვების სწორი მიმართულებით განვითარების შესახებ. ორთოპედია (ბერძნული სიტყვაა- ὀρθός-"სწორი"παιδεία- "აღზრდა") სამედიცინო მიმართულებაა, რომელიც შეისწავლის, პროფილაქტიკას, დიაგნოსტიკას და მკურნალობას ძვალ-კუნთოვანი სისტემის თანდაყოლილი თუ შეძენილი დეფორმაციების, (ძვალ-სახსროვანი, კუნთების, მყეს-იოგოვანი აპარატის დეფორმაციები) მათ შორის უპირატესი მნიშვნელობა ენიჭება მენჯ-ბარძაყის სახსრის დისპლაზიას (ანუ განუვითარებლობა) (სურათი-1), რომლის დიაგნოსტირება უნდა მოხდეს მშობიარობის პერიოდში სამეანო ბლოკში. პირველი გეგმიური ვიზიტი ორთოპედთან უნდა განხორციელდეს 1თვის, 3 თვის, 6 თვის და 1 წლის ასაკში. დიაგნოზის დადასტურება ხდება კლინიკურდ, ექიმი ორთოპედის გასინჯვით, ულტრაბგერითი და რენტგენოლოგიური კლვევების საშუალებით. გასინჯვისას შეიძლება გამოვლინდეს ისეთი დეფორმაცია, როგორიცაა მენჯ-ბარძაყის სახსრის ქვეამოვარდნილობა; კისერმრუდობა; ტერფების ექვინო-ვარუსული დეფორმაცია; კუნთოვანი ტონუსის დაქვეითება; ქვემო კიდურების ვარუსული და ვალგუსური დეფორმაცია; პოლიდაქტილია-სინდაქტილია.

 

ასევე არ უნდა გამოგვეპაროს ხერხემლის სხვა დეფორმაციები, მაგალითად სქოლიოზი, კიფო-სქოლიოზი, ტანდეგობის დარღვევა, (სურათი-2) რომლის პირველადი გასინჯვა უნდა მოხდეს ექიმი ორთოპედის მიერ 6 წლიდან 15 წლის ასაკამდე.  რათა არ გამოვიწვიოთ მომავალში შრომის უნარიანობის დარღვევა, მცირე მენჯის ორგანოების დაავადებები, უშვილობა და სხვა.

 

მშობლებო, ყოველთვის შეაფასეთ თქვენი შვილის სხეულის განვითარება, დააკვირდით ისეთ ნიშნებს როგორიც არის მხრების, ბეჭის, ნეკნების, მენჯის და ქვედა კიდურების ასიმეტრია, სიარულის მანერის დარღვევა, გულმკერდის დეფორმაციები, ტკივილი წელის და ზურგის მიდამოში, თავის ტკივილი.

 

ნუ მიიყვანთ ბავშვს სპორტის სხვადასხვა სახეობზე ექიმი ორთოპედ ტრავმატოლოგის გასინჯვის და რეკომენდაციის გარეშე, რათა შეფასდეს ტერფების ვალგუსური დეფორმაციის და ბრტყელტერფიანობის ნიშნები. (სურათი-3) რის შემდგომაც მოხდება სპორტის გარკვეული სახეობის ინდივიდუალური შერჩევა.

 

ბავშვთა ძვალ-სახსროვანი სისტემის თავისებურებიდან გამომდინარე ხდება მათი დაზიანება სხვადასხვა ტრავმის დროს, განსაკუთრებით ბავშვთა ტრავმატიზმი მატულობს გაზაფხული-ზაფხულის პერიოდში მათი ფიზიკური ატივობის მატების თანმხლებად. დაუყოვნებლივ მიმართეთ ექიმ ტრავმატოლოგს თუ თქვენს შვილს აღენიშნებაб შეშუპება, მოძრაობის შეზღუდვა, ზედა თუ ქვედა კიდურში, რათა გამოირიცხოს სხვადასხვა ამოვარდნილობს, სუბპერიოსტალური მოტეხილობა. (სურათი-4) მოხდეს მოტეხილობის ნადრევი რენტგენოლოგიური დიაგნოსტირება და შემდგომი მკურნალობა რბილი ფიქსაციით, ან თაბაშირის საშუალებით იმობილიზაციით შემდგომი გართულების თავიდან აცილების მიზნით.

 

თსსუ გ. ჟვანიას სახელობის პედიატრიის აკადემიური კლინიკა.

 

 

თქვენთვის პრობლემურ, ნებისმიერ საკითხზე, კონსულტაციის მიზნით, შეგიძლიათ დაუკავშირდეთ თსსუ გ. ჟვანიას სახელობის პედიატრიის აკადემიური კლინიკის ქოლ–ცენტრს ნომერზე 577 29 34 66

 

 

გისურვებთ ჯანმრთელობას!

 

 

იხ: სურათები.

(სურათი1)
(სურათი1)
(სურათი2)
(სურათი2)
(სურათი3)
(სურათი3)
(სურათი4)
(სურათი4)
(სურათი4)
(სურათი4)

მსგავსი სიახლეები

რა არის დიარეა და როგორ ვუმკურნალოთ მას
ზაფხულის სეზონის მოახლოებასთან ერთად აქტუალურია დიარეის მართვა და მისი დროული დიაგნოსტიკა.

რა არის დიარეა?
დიარეა-გახშირებული ნაწლავთა მოქმედებაა (3-ჯერ და მეტად 24 საათის განმავლობაში) სითხის შემცველი განავლოვანი მასებით.

რა არის დიარეის მიზეზები?
დიარეის მრავალი მიზეზი არსებობს, თუმცა ნაწლავური ინფექცია (გასტორენტერიტი) უხშირესია. ინფექციური გასტორენტერიტი შეიძლება გამოწვეულ იყოს ვირუსებით, ბაქტერიებითა და პარაზიტებით.

რა უნდა გავაკეთოთ დიარეის დროს?
დიარეის მკურნალობის ძირითადი პრინციპია ორგანიზმის სითხისა და ელექტროლიტური დანაკარგების შევსება. დიარეის უხშირეს გართულებას დეჰიდრატაცია წარმოადგენს.

რა არის დეჰიდრატაცია?
ეს არის ორგანიზმის გაუწყლოება, როცა სხეულის მიერ დაკარგული სითხის მოცულობა გაცილებით აღემატება მიღებული სითხის რაოდენობას. დეჰიდრატაცია შეიძლება ყველა ასაკში განვითარდეს. განსაკუთრებული რისკის ქვეშ არიან ჩვილები და ადრეული ასაკის ბავშვები, რადგან სხეულის მცირე მასის გამო ძალიან სენსიტიურები არიან სითხის მცირე დანაკარგის მიმართაც კი. გაუწყლოების რისკი მატულობს, თუ დიარეას თან ერთვის ღებინება, სხეულის ან გარემოს მაღალი ტემპერატურა.

როგორია დეჰიდრატაციის ნიშნები?
ბავშვებში დეჰიდრატაციის ნიშნებია:
1. გაღიზიანებადობა ან ძილიანობა
2. გაიშვიათებული შარდვა
3. გრილი კიდურები
4. ცრემლის შემცირება ან უცრემლო ტირილი
5. ყიფლიბანდის ჩავარდნა

როგორ მკურნალობენ დიარეას?
დიარეის მკურნალობა მოიცავს სითხისა და ელექტროლიტების დანაკარგის შევსებას, ადექვატური კვების უზრუნველყოფას და დიარეასთან ასოცირებული კომორბიდული მდგომარეობების მართვას.
 
მწვავე დიარეის შემთხვევაში გამოიყენება რეჰიდრატაციული ხსნარები. თუ ბავშვს შეუძლია სითხის დალევა, ინტრავენური რეჰიდრატაცია არ არის საჭირო. ორალური რეჰიდრატაციული ხსნარები წყლის, ელექტროლიტებისა და გლუკოზის ნარევია.

კვებითი რეკომენდაციები: რეჰიდრატაციული თერაპიის დროს ექსკლუზიურად ძუძუთი კვება შეუფერხებლად უგრძელდება, ყველა სხვა შემთხვევაში რეჰიდრატაციული თერაპიის დაწყებიდან არა უგვიანეს 4-6 საათის შემდეგ უნდა გაგრძელდეს კვება.

პრობიოტუიკული საშუალებები („მეგობარი“ ბაქტერიები) ამცირებს დიარეის ხანგრძლივობას. პრობიოტიკებით მკურნალობის დაწყება რეკომენდირებულია რაც შეიძლება ადრე. ფერმენტული პრეპარატები რუტინულად არ გამოიყენება. ასევე, არ გამოიყენება ანტიდიარეული პრეპარატები ბავშვთა ასაკში. თუთიის პრეპარატები მხოლოდ განვითარებადი ქვეყნებისთვის არის მოწოდებული, სადაც ხშირია ბავშვთა არასრულფასოვანი კვების (მალნუტრიციის) შემთხვევები. ანტიბიოტიკები რუტინულად არ გამოიყენება.

ინვაზიური (განავლოვან მასებში სისხლის არსებობა) დიარეის მკურნალობა მოიცავს ყველა ზემოთ ჩამოთვლილ სამკურნალო ღონისძიებას და დამატებით ემპირიულ ანტიბიოპტიკოთერაპიას სავარაუდო შიგელოზის სამკურნალოდ.

როგორია დიარეის პრევენცია?
1. ექსკლუზიურად ბუნებრივი კვება 6 თვის ასაკამდე
2. ხელების ხშირი დაბანა თბილი წყლით და საპნით (განსაკუთრებით საპირფარეშოდან გამოსვლის შემდეგ)
3. ვაქცინაცია - მსოფლიო ჯანდაცვის ორგანიზაციის (ჯანმო-ს) რეკომენდაციით როტავირუსის ვაქცინაცია შეყვანილია ეროვნული იმუნიზაციის პროგრამაში

როდის მივმართოთ ექიმს?
1. 3 თვემდე ასაკი
2. დიარეის 6 და მეტი ეპიზოდი 24 საათის განმავლობაში
3. დიარეა და ღებინება ერთდროულად
4. განავლოვანი მასები არ არის და მხოლოდ სითხეა
5. განავლოვან მასებში სისხლია
6. მუცლის მწვავე ან შეუპოვარი ტკივილი
7. დეჰიდრატაციის ნიშნები

თუ თქვენს პატარას ზემოთ ჩამოთვლილთაგან ერთ-ერთი მაინც აღენიშნება, დაუყოვნებლივ მიმართეთ ექიმს.
რა ასაკიდან წავიყვანოთ ბავშვი ზღვაზე და როგორ შევუდგინოთ კვების რაციონი – რეკომენდაციები ეკა უბერისგან
რა ასაკიდან წავიყვანოთ ბავშვი ზღვაზე და როგორ შევუდგინოთ კვების რაციონი – რეკომენდაციები ეკა უბერისგან
დიარეა ბავშვთა ასაკში - რა უნდა იცოდნენ მშობლებმა?
დიარეა ბავშვთა ასაკში - რა უნდა იცოდნენ მშობლებმა?
გივი ჟვანიას სახელობის პედიატრიის აკადემიური კლინიკა წმინდა გიორგის სახელობის საერთაშორისო სკოლას ესტუმრა
გივი ჟვანიას სახელობის პედიატრიის აკადემიური კლინიკა წმინდა გიორგის სახელობის საერთაშორისო სკოლას ესტუმრა
პროფესორის კოლინ კენედის წიგნის - „ ჩვილობის ასაკის ბავშვთა ნევროლოგიის საფუძვლების“ პრეზენტაცია
პროფესორის კოლინ კენედის წიგნის - „ ჩვილობის ასაკის ბავშვთა ნევროლოგიის საფუძვლების“ პრეზენტაცია
საქველმოქმედო პროფილაქტიკური გასინჯვები ყაზბეგის რაიონში
საქველმოქმედო პროფილაქტიკური გასინჯვები ყაზბეგის რაიონში
მშობლებო უთხარით თქვენს შვილებს გამორთონ კომპიუტერები, სმარტფონები, ტაბლეტები და გავიდნენ გარეთ.
მშობლებო უთხარით თქვენს შვილებს გამორთონ კომპიუტერები, სმარტფონები, ტაბლეტები და გავიდნენ გარეთ.
უფასო მრავალპროფილური, პედიატრიული გამოკვლევები გ.ჟვანიას პედიატრიის აკადემიურ კლინიკაში
უფასო მრავალპროფილური, პედიატრიული გამოკვლევები გ.ჟვანიას პედიატრიის აკადემიურ კლინიკაში
თბილისის სახელმწიფო სამედიცინო უნივერსიტეტი